Keflavík sendir öfluga fulltrúa í rafíþróttadeildir RÍSÍ
Keflavík sendir öfluga fulltrúa í rafíþróttadeildir RÍSÍ - Íslandsmeistarinn í Fortnite og nýtt Counter Strike 2 lið taka þátt í mótum sýnd á sjónvarpi Símans
Nú eru spennandi tímar framundan í rafíþrótta heiminum. Rafíþróttasamband Íslands hefur auglýst 7 deildir í mismunandi leikjum og mun Rafíþróttadeild Keflavíkur senda fulltrúa frá sér í 2 deildir.
Íslandsmeistarinn Í Fortnite Bragi Sigurður Óskarsson og Sigurður Breki Ólasson hafa staðfest viðveru sína í Fortnite mótið sem verður sýnt á sjónvarpi Símans nú í Haust. Þeir hafa verið virkir í ungmenntastarfi RAFÍK sem hefur stækkað gríðarlega. Það er augljóst að það er mikil þörf fyrir ungmennastarf í rafíþróttum. RÍSÍ mun halda 4 ungmennamót, 2 í Haust og 2 næsta Vor og verður spennandi að sjá vöxtinn á þeim mótum.
Rafíþróttadeild Keflavíkur skrifaði undir samning við Counter Strike 2 liðs sitt í dag og munu þeir taka þátt í Úrvalsdeildinni í Haust sem mun einnig vera sýnt á sjónvarpi Símans. Liðið skipa þeir
Nafn : Ferenc Szabo Nickname : z4n3 - Position : Captain/IGL
Nafn : Sigurður Þórhallsson Nickname : Instant - Position : Rifler/IGL
Nafn : Adam Szabo Nickname : Toker - Position : Rifler/AWP
Nafn : Bjarki Snær Halldórsson Nickname : snowy1 - Position : Rifler
Nafn : Brynjar Thor Gunnarsson Nickname : n1njaDOC - Position : Rifler
Nafn : Ólafur Ævar Kristinsson Nickname : Drjoli - Position : Rifler
Tækifærin í rafíþróttum eru mörg og erum við hjá Keflavík stolt að geta boðið upp á gott starf sem iðkendur geta komið og látið ljós sitt skína.
